MSÍ hefur nú gefið út metnaðarfullt keppnisdagatal fyrir árið 2020 með um fjörtíu spennandi viðburðum á keppnistímabilinu.
Snjókross – Við sjáum aftur keppni á vélsleðum í Snjókrossi. Það verður sannarlega spennandi að fylgjast með því!
Enduro fyrir alla – Íslandsmótið í Enduro verður með nýju sniði í ár og afar spennandi reglur í undirbúningi. Aðalmálið verður góð skemmtun fyrir alla keppendur.
Klaustur Off-Road – Klausturkeppnin heldur áfram að vera vinsælasti akstursíþróttaviðburður ársins. Gríðarlega góð þátttaka og frábær andi sem svífur yfir vötnum í þessari mögnuðu keppni.
Motocross – Mikil gróska byrjaði á síðasta ári í Motocrossinu með sérstökum Miðviku MX dögum og öflugum keppnum. Vöxturinn heldur bara áfram og þetta verður eitthvað!
Kappakstur – Með góðri aðstöðu á svæði Kvartmíluklúbbsins getur þetta bara vaxið.
Spyrnur – Bæði KK og BA hafa verið að endurbæta brautir sínar og Bílaklúbbur Akureyrar er að opna fyrsta áfanga í nýrri götuspyrnubraut sem verður síðar lengd til að keppa í fulltri kvartmílu.
Árshátíðin – Fastur punktur í tilverunni fyrir mótorhjólafólk!
Góða skemmtun!
