Laugardaginn 30. júní fer fram 2. umferð íslandsmótsins í motocross í Ólafsvík
Keppnisstjóri: Rúnar Már Jóhannsson
Brautarstjóri: Viggó Viggósson
Yfirflaggari: Kristján Geir Mathiesen
Tímataka: Einar Smárason
Dagskrá keppninnar verður MX dagskrá MSÍ, sem dreift var á Álfsnesi. Keppendur fara í tímatöku samkvæmt dagskrá, þegar henni er lokið er komin uppröðun á ráslínu sem gildir allann daginn. Þegar flokkur sem keppandi er í er kallaður upp fer hann að hliðarlínu og bíður þar eftir að vera hleypt inn að rásmarki af starfsmanni, keppanda er hleypt inn og hliði lokað og er keppandi ekki með ef hann er of seinn! Þegar keppandi er hleypt inn um hliðið fer hann beint að sínum rásstað og er tilbúinn strax. það verður ekkert nafnakall eða númerakall, ef keppandi er ekki tilbúinn þegar teygjan smellur ber hann einn ábyrgð á því.
Það hefur borið á að keppendur hafa ekki farið eftir þeim reglum sem gilda um motocross. Hér fyrir neðan eru nokkrir punktar.
– Illa merkt hjól, úrdráttur úr grein 7. KEPPNISNÚMER. Fjöldi og staðsetning: Hjól skal hafa númeraspjöld á a.m.k. þremur stöðum. 2 sem liggja langs með hjólinu á sitt hvorri hliðinni fyrir aftan fótstigin. Einnig að númer sé sett á plötu sem snýr fram á hjólinu. Keppandi sem ber keppnisnúmer a.m.k. 15cm stafi á baki er undanþeginn númerum á hlið hjóls. Keppandi sem ekki gætir þess að númer sjáist greinilega getur átt á hættu að falla úr keppni eða verða ekki talinn með.
– Fjöldi hringja í æfingu/tímatöku, úrdráttur úr grein 11. FRAMKVÆMD KEPPNI. Til þess að hefja keppni verður ökumaður að hafa ekið brautina minnst 3 hringi fyrir keppni.
– Aldur keppanda: Lámarks aldur keppanda í íslandsmóti er frá 12 ára aldri.
