Opnað á númeraskipti 26. apríl – mx/enduro

Opnað verður fyrir skipti á númerum í motocross/enduro á miðvikudaginn 26. apríl nk. og verður opið fyrir skipti í tvær vikur til 10. maí. Sótt er um nýtt númer með því að senda póst á numer@msisport.is en lausum og óvirkum númerum verður úthlutað skv. eftirfarandi reglum.

Númer sem ekki hafa verið notuð 2015 eða 2016 eru birt hér fyrir neðan sem óvirk. Handhafar óvirkra númera geta sótt um að endurnýja númerin á þessu tímabili og njóta forgangs ef annar sækist eftir sama númeri, annars verður númerinu endurúthlutað í samræmi við reglurnar.

Reglur MSÍ um keppnisnúmer

Keppnisnúmerareglur MSÍ fyrir Íslandsmótaraðir.

1. Keppnisnúmer 0, 2, 3, 4, 5, 6, 7, 8, 9 getur Íslandsmeistari í Motocross MX-Open flokki eða Meistaradeild Enduro sótt um ef þau eru laus.

2. Keppnisnúmer frá 10 til 100 er aðeins hægt að sækja um ef keppandi hefur hlotið stig í öllum umferðum Íslandsmótsins í Motocross eða Enduro árið á undan.

3. Keppnisnúmer frá 101 til 500 er hægt að sækja um ef keppandi hefur hlotið stig í einhverri af umferðum Íslandsmótsins í Motocross eða Enduro árið á undan.

4. Keppnisnúmer frá 501 til 999 geta allir sem uppfylla lágmarksaldur fyrir þátttöku í Íslandsmótinu í Motocross og Enduro á yfirstandandi keppnistímabili sótt um. Einnig þeir sem uppfylla skilyrði 1, 2 og 3 sótt um þessi númer.

5. Keppnisnúmer sem ekki hefur verið notað í 2 ár í einni keppni eða fleirum fellur niður og er endurúthlutað.

6. Númeraskipti fara fram á ákveðnum tímum ársins sem stjórn MSÍ ákveður hverju sinni.

7. Sækja skal um númeraskipti á numer@msisport.is á auglýstum tíma, sækja skal um númer sem óskað er eftir auk númers til vara ef það númer sem óskað er eftir er upptekið.

8. Þeir keppendur hafa forgang að nýjum númerum í þessari röð miðað við stöðu í Íslandsmóti árinu á undan. 1.-5. sæti, MX Opnum flokki, GFH Meistaraflokki, MX-2, MX Unglinga, MX 85, MX Kvenna, GFH Enduroflokki. Þar á eftir er úthlutað eftir hvernig umsóknir berast.

Laus og óvirk númer sem eru að losna má sjá hér fyrir neðan